الاب مع بنتة

انا هقولكم على حاجة سمعتها من واحدة صحبتى
وحبيت اعرف ارائكم فيها
المشكلة انها دايما بتحس بفرق فى التعامل بينها
وبين اخواتها والموضوع دا تعبه اوى
بس الموضوع دا مش مع ابوهاواموها لا
ابوها بس ساعات بتحس انة مش بيساعدها ومش مديها الثقة
زى باقى اخواتها وساعات بتحس احساس فظيع انة بيكرة ومش بيحبها
واحيانا بيطر انها تبكى من غير سبب دا طبعا امام الناس بس
بس هى طبعا مجروحة من جواها
ومن ناحية تانية مش بتحب تقول لحد كدا لانها بتحس انها بتزعل اللى حواليها
من غير اى اهمية والموضوع مالوش اى اساس من الصحة
وطبعا كلهم يردو يقولوا هو فى اب يكره بنتة
هى مش عارفة تعمل حاجة والاحساس دا مش قادره تشيله من دماغة ولا تغيره
انا حاولت معها كتير ان افهمها بس قولت اقولك يمكن تقول حاجات تانية اقدر استفيد منها
واقدر اساعدها وتعتبر حد قريب منى جدا وعزيز عليا فوق ما انتم تخايلوا
ياريت اشوف رايئكم فى كلامى

انت عارف يا تريكة
المشكلة مش انها عملت حاجة غلط الموضوع اكبر من كدا
هى بتحس بفرق كبير فى المعاملة بينها هى اخواتها
انت عارف لم هى بتغلط تفتكر بيعقبها ازاى المفروض انوا
يفهم ان دا غلط وما تعملش كدا تانى لا دا لازم يضربها
وانت عارف لم اخواتها يغلطوا فى نفس الغلطة طبعا العقباب مختلف تمام
انا عايزة اعرف راسئك فى كلامى

يا سلمى
معقول أبوها يكون بيكرهها ؟؟؟؟!!!
متهيألي لأ .. ده أكيد لأ كمان
طيب ماتخليها تفكر كده وتشوف أبوها زعلان منها في ايه
وتحاول تصلحه
عارفه
خليها تحاول ترضيه بأي شكل
ومتزعلوش خالص في أي حاجه
( وابقي قوليلنا النتيجة )
واديني مستني النتيجة

انتى يا عارف يا تريكة انا حاولت كام مره معها
انى اشيل الفكرة دى من دماغها الموضوع كبير مش شوية
اهن مش بنتكلم فى انها عملت غلط وزعلان منها وخلاص
لا طبعا الموضوع انها اتولدت والفكرة دى مسيطرة عليها
بكل الطرق وتصرف ابوها معها بياكد الكلام اللى فى دماغها
انت عارف احيانا بتقول لبوها كدا فى وشه انت مش بتحبنى
انا بجد نفسى اساهدها بس هى مشكله معقدة
براضوا عايز اشوف رايئك فى حل المشكلة

طيب يا سلمى
لو فكرنا في الموضوع بشكل أوسع
قوليلي كده اشمعنى هيا اللي أبوها بيعاملها كده
مش معقول من غير سبب
لازم يكون فيه سبب خلاه يعاملها وحش
خليها تفكر وتشوف إيه هو السبب
ممكن يكون السبب مش هي
بس ممكن يكون السبب عن طريقها أو ليها صلة بيه
مش عارف فهمتيني ولا لأ
عموما
أنا مستني ردك

يمكن يكون عندك حق بس يمكن يكون المشكلة فيها
او فى ابوها واشمعنا هى الاحساس دا جواها ولية ما فكرتشى الاحساس
دا من اموها مثلا بيقى الغلط مش منها الغلط فى طريقة المعاملة بينها هى وابوها
يمكن مش بيفهموا بعض او مش بيتفقوا مش عارفة انا محتاره اعمل اية
صعبانة علبا اوى انها حاسه بالحاجة من اقرب ناس اليها ومش لقيها
وتعرف هى اكتير بنت بتحب ابوها وبتخاف علية ودايما عايزة تشوفه
وفجاءه يتغير كل تفكيرها وتفتكر الحواجز اللى فى دماغة
انا مش عارفة اعمل اية بجد نفسى اساعدها

طب هقولك حل بسيط جدا
هو سهل بس صعب
قصدي ممكن يكون صعب عليها شوية
ماتخليها تروح تقوله
" بابا .. انت ليه بتعاملني وحش كده ؟ هو انا عملت حاجه غلط ؟ "
اسأليها كده
لو تقدر تعمل كده .. خليها تعمل
وان شاء الله المشكلة هتتحل
وآديني قاعد مستني
أما أشوف هههههههه

اكيد دى حاجة ما تفوتنى انى اخليها
تعملها وعملتها فعلا والرد المتوقع
هو فى اب بيكره بنتة وطبعا هى ما اقتنعتش
تصدق يا تريكة هى نفسها لم الكليلة تجيلها
فى مكان بعيد علشان تبعد عن الاسرة وتخاليها بعيد شوف الموضوع وصل
لحد فين ياريت تفكر فى حاجة غير دى

اممممممممممممم
الموضوع كبير فعلا
وعلى فكرة انا معنديش كلام اكتر من اللى قاله تريكة ياسلمى
بس اقولك على حاجة
هى ممكن تحاول تقرب من باباها اكتر من كدة
يعنى مثلا وهو رايح يزور عمتها ولا عمها ولا حد من قرايبها تقوله انا هاجى معاك
وهم ماشين مع بعض يتكلمو فى اى حاجة
باباها مثلا بيحب الكورة خليها تتفرج معاه على ماتشات وتتكلم معاه فى الاهلى عمل ايه ومعرفش ايه
مثلا مثلا فى عيد ميلاده تجيبله ساعة ولا حتى تورتاية صغيرة وتقوله كل سنة وانت طيب يا بابا

يعنى خليها تقرب منه اكتر فى كلامها فى افكارها
وتحاول تبعد عن الحاجات اللى بتزعله
ولو كانت بتعند معاه فى حاجة او ساعات هتلاقيها بتنفعل فى كلامها
لا دة ميصحش
خليها تاخد الامور ببساطة وسلاسة شوية
المرة دى هيصدها المرة اللى جاية هيتكلم معاها وهكذا
وخليها تختار الوقت المناسب اللى تعمل فيها دة

ومستية رايك ياقمر

صدقى انت عندك حق انا عمرى ما فكرت فى الموضوع
من الزاوية دى عموما انا هقولها وخليها تعمل كدا فعلا
ويارب نكون حلينا المشكلة وشيلنا الحاجز اللى بينها هى وباباها
عموما شكرا يا سندريلا استنبى يومين ونعرف نتيجة الخطة دى
ميرسى كتير جددددددددددددددددددددددا ليكى

العفو ياقمر لا ميرسى على واجب
كلنا اخوات ولازم نفيد بعض
وصدقينى دة عن تجربة
وبعدين زى ماقلتلك هتاخد وقت يعنى مرة هيصدها والمرة اللى جاية هيتقبل منها
بس الموضوع محتاج شوية صبر
وربنا معاها
وابقى طمنينى ياقمر

انا رأيى من راى سندريلا كتير............... اسف انى اتاخرت فى الرد...........بس فيه نقطه هى تعمل ده كله بحيث انها يكون غرضها تحسس باباها ان انا من الاول مكنش ينفع اتعامل المعامله دى لان هى بتصرفاتها هتجبره انه يبدا يستغرب ازاى انا كنت بعاملها كده وفى نفس الوقت يكون الكلام والتصرفات فى كل اطار الاحترام بس يا سندريلا اشمعنا الاهلى جايز باباها زملكاوى اسف انى اتكلمت فى الموضوع ده بس انا اتضايقت من سندريلا بجد بس على فكره راى سندريلا جميل جدا جدا جدا وانا موافق عليه بس عايزها كمان تبقى انتهازيه فى الفرص اللى تقربها من باباها يعنى تحاول تشوف اى حاجه بتسعده وبتفرحه وتعملها قبل اى حد وعلى رايى الشخصى انها كمان(تشوف اخواتها بيعملوا ايه زياده عنها وتحاول تزود عليه كمان)

هههههههههههههه
معلش يافارس الاهلى واكل الجو اليومين دول
انت عارف انى اهلاوية عشان كدة الاهلى على لسانى على طول
المهم ميرسى على ردك ومنتظرين سلمى تقولنا النتيجة ايه

والله كلام جميل
يارب يكون هو ده حل المشكلة
بصراحة
سندريلا وضحت اللي أنا كنت عاوز أقوله عشرة على عشرة
وكلام فارس روعة بصراحة
ولا غلطة

بس الحمد لله
كده بقى فيه تقدم أهه
وادينا مستنيين النتيجة

اسفه علي التاخير في الرد
بس انا ليا جهه نظر تانيه لو فكرتوا شويه اشمعنا هي اللي هيعاملها وحش اكيد في تصرفات غلط منها
وكمان مفيش اب في الدنيا هينتقض بنته من غير اسباب اكيد في تصرفات منها ابوها شايفه غلط وهي شايفاها صح
وعلي فكره في متلا ابهات بيعقبوا البنت اللي شايفين انها المفروض متقعشي في غلط زي ده عقاب اكتر من التانيه
لكن مفيش اب مبيحبش بنته ده يمكن من حبه ليها اكتر من اخواتها بيعاقبها اكتر منهم لو عملت غلط
دي حاجه بس انا مع سندريلا دلوقتي هي تتقرب من باباها اكترواكتر وتحاول بعد كده تستفهم منه
وان شاء الله هتتحل المشكله

ازيكم انتوا مستنين مين انا اجيت ومعابا الاخبار
هى الحمد الله بدائة تشاركة وتخالى يتفر ج معاها على المسلسل او اى برنامج
وتتكلم معاه فى المسلسل وتحكى وكدا يعنى احتمال البت دى هتحل مشكلتها
ميرسى ليكم يا جماعة انتوا بجد اصحاب كويسين اوى
شكرا كتيررررررررررررررررررررررررررررررررررر

الحمد لله
ربنا يدوم المحبة بينهم يا رب
وتفضل كده على طول
آكيد كلنا فرحانين للنتيجة دي
الحمد لله
مناقشتنا في حل المشكلة جابت نتيجة
وربنا يدوم المحبه

يارب يا تريكة

الحمد لله ياسلمى
ربنا يهدى ويصلح الحال
وان شاء الله ماتقلقيش
الوصفة دى متجربة وان شاء الله هتجيب نتيجة ههههههههه
تحياتى ليكى ياقمر

ميرسى يا جميل انا مبسوطة بمعرفتك

انا كمان والله
وان شاء الله نتعرف اكتر
وابقى عرفينا النتايج اول باول