تعمل إيه لو ....

السلام عليكم
إزيكوا يا أحلى اصحاب
انهاردة أنا جايب لعبة جميلة أوي

تعمل ايه لو

يعني كل واحد يدخل يقول موقف
واللي بعده يقول هيعمل ايه لو اتحط في الموقف ده .. وبعدين يكتب موقف جديد
واللي بعده يرد
وهكذا
يارب تكونوا فهمتوها
ويارب تعجبكوا اللعبة
وانا هبدأ

تعمل ايه لو
لقيت مليون جنيه في الشارع وانت ماشي

موقف صعب جدا مبلغ كبير وفي الشارع
بس ان شاء الله هوديه قسم الشرطه
واتمني ان ده يكون موقفي بجد ساعتها لان لما يكون الواحد في الموقف غير لما يتقلوا ويرد عليه

تعمل ايه لو انت وخطيبتك قاعدين فى مكان رومانسى بتحتفلوا بمناسبة جميلة ومش عاوزين حد
يشاركم الموقف ده وفجأة جه واحد صاحبك ورخم وطول فى الجلوس وانت قاعد مخنوق منه؟؟؟؟؟؟؟

مكان رومانسي
أفهم من كده إن تقريبا احنا قاعدين على النيل
ساعتها
هاقوم ماسكه شايله بالكرسي اللي هو قاعد عليه وارميه في النيل
واخلص بقى
هههههههههههههههههههه

تعمل ايه لو
وانت نايم جه واحد ورش على وشك ميه عشان يصحيك؟

لو انا لقيتهم اخدهم بس هاخد العشره فى الميه اللى الرسول حددهم والباقى اعمل بيه حاجه كويسه للناس تفيدهم زى مستشفى جامع مدرسه وهكذا انما اخر حاجه افكر فيها انى اوديه للشرطه لان اللى بيدخل جيب الحكومه قول عليه يا رحمن يا رحيم

هههههههههههههههه عندك حق والله يافارس
اما الموقف بتاع رش المية ده ياتريكة ساعتها هقوم اشده وانزله تحت الدش فى ماية ساقعة كمان
على فكرة انا بعمل الموقف ده فى اخواتى وبيقوموا يجروا ورايا وساعات بصرخ فى ودنهم مهو انا الكبيرة بقى اعمل اللى انا عايزاه ههههههههههه

هزار لا طبعا ساعتها هنزل فى ضرب
تعمل اية لو ........
اقرب حد ليك مات فى حادثة اية شعورك لم تسمع الخبر

اكيد طبعا هتبقي صدمه جامده جدا واكيد هبكي جامد
تعمل ايه لو زعلت شخص واعتذرتله ومع ذلك لسه زعلان

لو انا غلطت واعتذرت
يبقى لازم يسامح مادام بيحبني
ده مع الرجالة
مع البنات بقى ... لا تعليق

تعمل إيه لو
انت اسمعلاوي
واتغلبت في آخر دقيقة من الأهلي

اولع في نفسي مش اوي كده بس ازعل اوي طبعا
لكن انا اهلاويه بلا فخر وحسيت الاحساس ده ايام كاكا لما غلبونا في الاخر اربعه تلاته
كنت هنجن لان احنا كنا بنلب كويس اوي وفي الاخر يلا بقي معلشي
تعمل ايه لو حبيبك كدب عليك

أحاول أعرف منه السبب الحقيقي اللي خلاه يكدب عليا
وساعتها أقرر
لو كدب عليا وكانت نيته مصلحتي أسامحه
غير كده هاخد موقف

بس فيه حاجه
ساعات الواحد بيكدب عشان بيحب أوي

تعمل ايه لو
اتحطيت فى موقف اختيار الاهل او الحبيب؟

هختار الحبيب مع مراعاة عدم التفريط فى الاهل لأن مش سهل انك تلاقى حبيب مخلص

تعمل ايه لوكنت بتحب حد اوى اوى اوى بس انت مش قادر تصرح بالحب ده وفى نفس الوقت عاوز تعرف هو بيحبك ولا لأاا؟؟؟؟؟؟؟

سبيها بظروفها وخالى الايام تحل المشكلة دى
هتوضح كل حاجة
تعمل لو حطوك فى غرفة ظلمة وقفلوا عليك مش عايزة اقول فى فار كمان
ههههههههههههههههههههههههههههههههههههههههههههههههههههههههههههههه

لأ قولي ماهي ناقصة
إنتي عارفه أنا هعمل ايه
مش عارف
على فكرة أنا مش بخاف من الضلمة
بس ممكن أنتقم منهم يعني بمقلب أو إتنين من بتوعي هههههههههههه
تعمل إيه لو
مثلا إنت لوحدك في الشقة بالليل وأهلك كلهم خرجوا وانت لوحدك بس اللي موجود
فقررت إنك تاخد دش و بعد ماخلصت الدش لقيت الباب بيتفتح وايد بتتمد عليها فوطة
وبعدين تفتكر إن مفيش حد في الشقة
ساعتها هتعمل ايه

ههههههههههههههههههههههههههههههه يالهوى ساعتها هحبس نفسى فى الحمام ومش هطلع الا لما ييجوا

تعمل ايه لو انت ماشى فى الشارع وفجأة لقيت واحدة ست بتدلق عليك ماء وسخ وانت كنت رايح مشوار مهم ؟؟؟؟؟؟؟؟؟

افــــــــييييييييييييييييييييييييه ههههههههههههههههههههه

ساعتها هطلع بتها وهضربها حتت علقة
تعمل اية لو لقيت نفسك فى الصحراء

امممممممممم
اولا انتى كبنت مينفعش تقوليله وتصريحه
وبعدين ياعصفورتى هو بيبان على اللى بيحب انه متنيل بيحب ههههههههه
يعنى هيبان من تصرفاته من كلامه
يعنى تشوفيه بيعاملك زى ما بيعامل غيرك ولا انتى ليكى معاملة خاصة
انتى اكيد هتحسى لو هو بيحبك
وخلاى بالك هو ممكن يكون بيحبك بس حب اخوى وتفتكرى انه بيحبك حب عاطفى يعنى
بس فى الحالة دى انتى وذكاءك

تعمل ايه لو الواحد دة مطلعش بيحبك واكتشفت انه فعلا مش بيحبك؟

انا هتكلم عن نفسى
انا هاخد الامور بسلاسة شوية
لحد ما انسى هذا الشخص
تعمل اية لو اتخدعت فى حد من اقرب الناس اليك

والله أنا عن نفسي
هروح واسأله
هل هو فعلا كان ناوي يخدعني
لو رد جواب دخل دماغي هسامحه
ولو جوابه معجبنيش
هضطر أبعد عنه
وطبعا لازم يكون في زعل
لأني اتخدعت

تعمل إيه لو
واحد وانت نايم جه رش عليك مايه
نوع من الرخامه يعني

يا نهار ده انا اقوم اكله علقه مش هرحمه
تعمل ايه لو اقرب الناس ليك مش جنبك

قصدك مسافر أو كده
لو قصدك كده
فأنا ممكن أقرب ليه عن طريق التليفون أو الشات
واقعد أحكي معاه زي مايكون موجود جمبي بالظبط
وانا عن نفسي
ساعات كتير أوي لما بتحصلي
بروح على صوري معاه زمان ودلوقتي واقعد أفتكر
بحس إنه معايا دلوقتي واكتر كمان

تعمل ايه لو
حبيبك سابك وفارقك من غير سبب

بس صعب اوي انك تحس نفس الاحساس وهما معاك اكيد مش هيبقي هو دي حاجه بتهون بس وخاصه لما يكون اب وام واخوات
لازم اتنيني وراه لما اعرف سبب فراقه ليا ممكن يكون سمع حاجه غلط عني وحاجه تزعل اوي فانا لازم اصححهاله حتي لو هو مكنشي قابل انه يسمعني في الاول احاول تاني وتالت وولو مفيش فايده يبقي عملت اللي عليا
تعمل ايه لو لقيت حد زعلان اوي ونفسك تخفف عنه