سيدنا بلال

سيدنا بلال

لو سألت أى طفل عن بلال هيعرفه ويوصفه
عبد حبشى بيربطوه بالحبال وربنا بينصفه
يسمع الكفار يقول عن الرسول عن نزهته وعفته
يدعى للغفار ينول القبول ويجازى على نيته
لما يسلم يضربوه ويعزبوه احدا احد احدا
على رمل سخن بيفردوه وبيجلدوه الله صمد منه المدد
صوته الندى كان يحنن الرضى ويرق قلبه
لو حديد والجنين لو فى بطن امه بيهتدى
والدم يسجد فى الوريد
فى فتح مكة الرسول الامين ياخده معاه فى صحبته
بين صوابعه المفرودين المبروكين نبع صافى بلمسته
مات الرسول الكريم والصحابة بيدفنوه والملايكة بتحرسه
بلال بيبكى فى الادان ومهما قالوا ويراضوه قال يارتنى اوانسه
الرسول المحترم ما كذب وما ظلم
والامان فى حضرته كان غنى بحنيته وبطاهرة الذمام
ساب ميراثه لامته