وزيرنا الجديد

انا راي فارس في الوزير الجديد خلاني احب اني اتكلم عنه
وبما اننا معظمنا طلاب او غير كده كل الناس شايفين وعارفين الاخبار اول باول
انا موضوعي وبما اني معملتش موضوع هيبقي عن وزيرنا الجديد
انا حابه اني اعرف رايكم فيه وسياسته مع الكل كطلاب وغيره
ومش فيه شخصي كمان في الحاجات اللي بيعملها كنظام امتحان وطريه وضعه والمدارس وخلافه
ياريت اسمع رايكم كلكم
وفتح باب النقاش ان اعجبكم الموضوع

والله والله والله كنت عارف انى بعد ما كتبت رايى كان فيه حد هيعمل ده موضوع ولو محدش كان كتبه كنت انا هكتبه على العموم مشكوره يا يارا

طيب كويس اني كتبته
بس مسمعتش رايك يعني ولا انت عايز تختم
علي العموم فتح باب النقاش واحب اسمع رايكم

فعلا انا حابب اختم لان الواضح ان انا الوحيد اللى معجب بالراجل ده واحب اسمع ارائكوا كلها علشان ارد عليها كلها
وبعدين انا مش عايز كل واحد يتكلم عن اللى حصله انا عايز الناس تتكلم عن اللى هو بيعمله وعن تفكيره واسلوبه فى التعليم يعنى نتكلم عنه كوزير مش كل واحد شايل منه يقول اللى ليه

الموضوع دا انا اتكلمت في قبل كدا
وبصراحة معنديش الوقت ان انا اتكلم فية تانية لان الموضوع منتهى
وحتى لو عندى بس ومش مستاهل ان اهن نتناقش فية او نعرف رائى بعض
وانا مش بقول كدا لان انا معنديش رد بس فارس بيقول مافيش حد شايل منة ازاى انت
عايزينى اتكلم عن واحد ضايع منى حلمى وخلنى مش عارفة اتصرف ازاى
انتوا عارفين اكتر حاجة بكرها هى اية الظلم وانا اتظلمت كتير من الوزارة ونفسى اخلص السنة دى
وارتاح من كل حاجة وابداء اتحسب على الدولة واخد حقى منها ومسبش حقى واو حلمى يروحوا مرة تانية
واللى انكسر عمرة ما يتصلح حتى لو على الاقل من وجة نظرى
ولو سمحتى تحترموا رائى ومش عايزة حد يفتحنى فى الموضوع دا تانى اعتبروا انا قولت رائى فى الموضوع دا
ولو سمحتوا ولو حتى علشان خطرى علشان انا تعبت من الموضوع دا

غلطانه يا سلمي اذاكنتي اتظلمتي صحيح وده نادرا جدا فبرده مش الوزير اللي ظلمك
لو كنتي اتظلمتي في التصحيح يبقي الللي ظلمك المدرسين اللي صححوا مش الوزير دي حاجه
تانيا كتير اوي الواحد بيبقي فاكر ان هو اتظلم وانه حالل صح وبيبقي غلطان
عندك اانا متلا كنت بقول انا مظلومه في الكيمياء ده حرام وجبت نموذج الاجابه وراجعت الامتحان وقلت ظالمني وانا متاكده من اجاباتي
واتضح اني انا غلطانه واني مدياهم خمس درجات علي طبق من دهب وفاكره اني حلاهم صح فمتظلميش المصححين وتقولي ان هما ظلموكي
وانا مش بنفي ان في ظلم بس نادرا ومبيبقاش من التصحيح ذات نفسه لا بيبقي تجميع درجات وخلاف وممكن يبي تصحيح وده برده نادرا جدا
وبدليل الاحصائيات في اول لما سالت عن الحكايه دي كانت بتقول ان في 8000 ومنهم مظلومين وليهم درجات كام 100 وده يعد قليل
وبصراحه اللي انا شفته والكم الهائل من الناس اللي كانت متظلمه والتصحيح اللي انا شفته اشهد لهم بانهم كانوا مديني وناس كتير كمان حهم بالظبط
وان كان في شواذ زي ما قلت طبعا
اما بقي انه مش عاجبني بالعكس انا هقول رايي فيه بكل صراحه وفيه حاجات عاملها عاجباني جدا وحاجات لا
بس مستنيه شويه ويمكن اول رايي قبل فارس علشان هو عايز يختم ومتنيه اراؤكم ورايك يا سلمي ولو فكرتي شويه هتلاقي كلامي صح

يمكن يكون كلامك صح بس شوقتى البدعة الجديدة بتاعتة علشان واحدة تحول من علمى لادبى لازم تدفع 110 جنية
بزمة دا مش حرام هى الفلوس اللى اهلينا بيجبوها دى حرام انا لو هقدرهدفع غير مش هيقدر والله العظيم حرام حطت ورقة ب 50 جنية لية
يعنى حطها فى برواز واحتفظ بيها دى وزير فاشل ويارا انتى عارفانى انا دماغى جازمة وبصراحة بحب العند وانا لم احط حاجة فى دماغى يبقى
خلاص وممكن يكون كلامك صح وانا شايفة الموضوع من زاوية بس سيبونى اشوفها على راحتى وبطريقة اللى تعجبنى من غير ما احد يفرض
رائي عليا لو سمحتوا سبونى اشوف الغلط واتعلم منة وما لا اقرره تانى وانتى يا يارا المفروض تكونى فهمتينى اكتر من كدا
ولا انا اللى فاهمة غلط ودا شى اكيد ويمكن لا ويارب يكون احساسى غلط
وكل كلامك على راسى بس انا كدا ومش هتغير الا بمزاجى

طبعا عاوزين تعرفوا رأيى انا رأيى ان الراجل ده بيفكر صح بس فى دولة متخلفة مبتقدرش النوادر دى وطبعا هو خطى خطوات حلوة يقدر بيها ينهض بالتعليم ويرجع للمدرس هيبته ومكانته ومن ناحية الامتحانات وطريقة وضعها هو طبعا عنده حق لان لازم يكون النجاح معتمد على جزء من تفكير الطالب واستخدام عقله مش مجرد ماكينه عمالة تحفظ تحقظ وتدخل الامتحان ترص وخلاص ..هو فعلا والله الطريقة الجديدة بتاعته اللى دخل بيها الوزارة جميلة جدا بس عشان الناس اتعودت على السهل والكروته يبقى اللى يجى جاد وصارم يبقى ده عندهم مينفعش وطريقته فاشلة ومحبطة و و و و ........الخ

انا عن نفسى موافقاه فى طريقته وخطته لتطوير التعليم
بس الحاجات اللى انا معارضاه فيها
اولا طريقة توزيع جدول الامتحانات
ثانيا منع الكتب الخارجية
ثالثا الغاء التحويل من العلمى للادبى انا شايفه انه لازم يدى لكل طالب الحق فى انه يخوض التجربة ؛ انا معاه ان كل واحد لازم يبقى عنده هدف من الاول وعشانه يقرر هو يدخل ايه بس برده مكنش المفروض يلغى النظام ده
وبعدين انا عاوزة اقول حاجة هتلاقى معظم اللى معارضين الوزير ده من دفعتنا لييييييييييييييييييه؟؟؟؟؟؟؟؟؟
لأن الدفعة دى ياجماعة بجد اكتر دفعه اتظلمت على مر العصور على ما اعتقد يعنى
لأن كل حاجة جديدة بيجربوها فينا يعنى زى ما بقول جملتى الشهيرة
احنا بقينا حقل تجارب
وكمان اللى زاد المبلة طين ان الوزير الجديد جاى بقرارات صارمة بعضها فى مصلحة الطالب والاخرى ضده
فعشان كده احنا زهقنا ومعظم الناس هتلاقيهم معارضينه
فأنا بناشد وزارة التربيه والتعليم ان تحن بقلوبها وتنظر الى هذه الدفعة الشقية المظلومة المنحوسة منذ ان ولدت نظرة اشفاق بحالهم وتراعى ان كل ماهو جديد بيطبقوه علينا
ليه محسسينا ان مفيش حد قبلنا ولا بعدنا يجربوا فيه ؟؟؟؟؟؟؟؟؟؟؟؟؟
يا ريت صوتى يوصل للمسئولين لأن بجد يا جماعة الدفعة دى اتظلمت كتييييييييييير
دا احنا غلبانييييييييييين وطيبين اوى اوى ليه بتعملوا فينا كده؟؟؟؟؟؟؟؟؟؟؟؟؟
بس كفاية كده
زهقت

كلامك جميل يا عصفورة وطريقة كلامك حلو بس مش معنا كدا ان انا مواقفة على كل كلمة
قولتيها بس انتى عندك حق وكلامك مقنع يا ستى

ميرسى على زوقك يا سلمى بس مش شرط على فكرة ان يكون غرض المناقشة ان حد يقنع التانى برأيه او يغيرله وجهة نظره بالعكس المناقشة دى الغرض منها انك تطلعى اللى جواكى وتقولى رأيك بصراحة يعنى مش مجبرة انك تغيرى رأيك عشان حد ممكن تقتنعى بكلامه او متقتنعيش دى حاجة ترجعلك انتى المهم ان كل واحد يشارك برأيه ويكون له صوت يتكلم بيه

ظلم تاني ؟
برده؟

كلامك صح ميه في الميه يا عصفورتي بجد فيه جزء كبير جدا من اللي هقوله
وعلي فكره يا سلمي انا مكنتش واله بحاول اغيرلك رايك ولا حاجه بس انا كنت عايزه اوضحلك مش اكتر حكايه الطلم دي
وانا فاهمه طبعا انتي زعلانه من ايه وزي ما قلت ان في حاجات هو بيعملها حلوه جدا وفي حاجات لا
وانا دلوقتي هقول رايي
بصراحه الوزير الجديد عاجبني في طريقه تفكيره جدا
واول حاجه هتكلم عنها وضع الامتحان عجبني جدا انه لازم يدي للطالب المتميز حقه يعني الامتحان يبقي في كل المستويات
ودي حاجه صح جدا لان لازم يتفرق ما بين الطالب المتميز والمتوسط والضعيف مع ان الضعيف مينفعشي انه يدخل علمي اصلا بس اهو
وعلي فكره كمان هو محطش غير اجزاء صغيره جدا وعليها اقل الدرجات ودي في حد ذاتها كويس جدا وانا معاه في انه يمنع بقي الميه في الميه دي

تانيا التحويل وبصراحه من علمي لادبي انا كمان معاه فيها لان المفروض ان كل طالب عارف مستواه وهو يقدر يحقق ايه فالمفروض ان الطالب يبقي داخل علمي او ادبي وهو عارف هيعمل ايه بالظبط وزي ما احنا شايفين دلوقتي كم كبير جدا من الطلاب مع انهم عارفين انهم ميقدروش يعملوا حاجه في العلمي وداخلين وخلاص واهو يخلصوا من الجيولوجيا في الادبي وده بيبقي تفكيرهم فانه يمنع التحويل او يزود تكلفتها ده هيخلي بعد كده كل طالب يفكر ميت مره قبل ما ياخد قراره

تالتا انا شايفه ان التصحيح السنه دي كويس جدا مع العلم طبعا ان في اخطاء بس مش كتير
وكفايه انه اول حاجه عملها في المجال ده انه شال كل اللي كانوا في الكنترول علشان الامتحانات والحاجات اللي كانت بتحصل قبل كده من تسريب وخلافه فهو يعتبر عمل اللي عليه وهو ملوش ذنب متلا ان مصحح غلط في تجميع او حتي تصحيح يبقي الغلط من المصحح مش منه وانا شايفه كمان صراحه ان كل اللي بيقول ان في مهازل في التصحيح مش صحيح ابدا انا مش بنفي الغلط عنهم وانا عارفه ان في ناس اتظلمت لكن اللي انا شفته وطريقه التصحيح خلاني احس ان هما لما حتي بيغلطوا بيبقي من الظروف اللي حواليهم بس طبعا ده مش يديهم الحق في الغلط في التصحيح لان ده مستقبل

رابعا حكايه الكتب الخارجيه دي انا مش معاه فيها طبعا لان احنا مهما كان بنحتاج احتياج كبير جدا للمخلص كحل وافكار جديده وخلافه فحرام يحرم الطالب من كده علشان يستخدم كتاب الوزاره مينفعشي طبعا وانا طبعا كمان مش مع توزيع جدول الامتحانات لان في مواد مخدتشي حقها زي الانجليزي
بس المفروض من طالب التانويه العامه انه يكون ايام الامتحانات دي مجرد مراجعه ليه مش هيزاكر فيها من الاول لان اللي زاكر زاكر من الاول فالنقطه دي مش بلومه عليها اوي

وفي الاول والاخر كل القلق اللي بيحصل وخوف الطلاب وانا منهم طبعا بيبقي من التغيير
التغيير في حد ذاته بيجيب قلق وخوف وبيخلي الواحد يفكر كتير وتيجي في دماغه تساؤلات اكتر
وده كل رايي في الموضوع ومعلشي طولت عليكم واخنلاف الراي يا سلمي لا يفسد في الود قضيه

اه معلشي يا تريكه بجد اسفه جدا ان كان الموضو ع ده ازعجك بجد اسفه
بس انا كنت عايزه اوضح لسلمي بس ووالله بجد اسفه تاني مره
وانا مقدره والله اللي انت فيه علشان كده لو اكيد مش عايز تبدي في رايك في الموضوع بلاش
وياريت ميكونشي كلامي فكرك بحاجه وياريت انت متفكرشي في الموضوع تاني
ياريت تقبل اعتذاري

لا لا لا خالص والله يا يارا
موضوع النفاش ده جميل .. وانتي وفقتي في اختيار الموضوع والله
بس أنا اللي بيزعلني دلوقتي .. إن حد يتكلم عن الظلم قدامي
ده أنا .. اللي هو انا .... ساكت مش بتكلم
ولو اتكلمت مش هنخلص
أنا أخدت قرار اني أسكت و مفتحش حكاية الظلم دي تاني
بس لما بلاقي حد بيتكلم فيه
أنا بضايق
ده معايا
على الأقل خالص .. إنهم اعترفوا بعضمة لسانهم
إني فعلا ليا حق وكبير .. ومع ذلك مش هاخده
يبقى المفروض لو حد هيتكلم عن الظلم
المفروض يبقى أنا .. بس أن ساكت .. عشان ده قرار
ناس كتير فاكرة إني مادام ساكت .. يبقى أنا راضي أو كده
والله العظيم لأ
أنا أكتر واحد زعلان
عشان فيه فرق السما والأرض بين درجتي الحقيقية ودرجتي اللي جاتلي

ولما حد يقول قدامي أنا مظلوم وكده
بيدور في دماغي ميت سؤال .. وكلهم يحزنوا .. بس مفيش داعي إني أقولهم
عرفتوا ليه بقى بضايق لما حد يجيب سيرة الظلم قدامي ؟؟؟؟؟

ورغم كل اللي حصل معايا ده .. بقول الوزير ده جميل جدا
جميل والله يا سلمى
أصل هو ملوش ذنب في أي حاجه من اللي حصلت
هو مجاش قال للمصححين هاتولي ورقة سلمى أما أعلمها أنا
لأ
ياريت نفكر بتوسع شويه .. وبالعقل .. وننسى اللي حصل معانا
عشان لو هنتكلم عن الراجل .. نتكلم صح .. بدون أي اندفاعات من أي نوع
و في رأيي الراجل ده حلو
استنوا رأيي بقى فيه بجد

على فكرة كل كلامك مقنع وانا اقتنعت وهبداء افكر فى الموضوع بشكل تانى
وبصورة افضل من كدا وبتفكير احسن وانا اسفة ياتريكة ان فكرتك بحاجة مش كويسة
ياريت تقبل اعتذارى

يارا كتب:

كلامك صح ميه في الميه يا عصفورتي بجد فيه جزء كبير جدا من اللي هقوله
وعلي فكره يا سلمي انا مكنتش واله بحاول اغيرلك رايك ولا حاجه بس انا كنت عايزه اوضحلك مش اكتر حكايه الطلم دي
وانا فاهمه طبعا انتي زعلانه من ايه وزي ما قلت ان في حاجات هو بيعملها حلوه جدا وفي حاجات لا
وانا دلوقتي هقول رايي
بصراحه الوزير الجديد عاجبني في طريقه تفكيره جدا
واول حاجه هتكلم عنها وضع الامتحان عجبني جدا انه لازم يدي للطالب المتميز حقه يعني الامتحان يبقي في كل المستويات
ودي حاجه صح جدا لان لازم يتفرق ما بين الطالب المتميز والمتوسط والضعيف مع ان الضعيف مينفعشي انه يدخل علمي اصلا بس اهو
وعلي فكره كمان هو محطش غير اجزاء صغيره جدا وعليها اقل الدرجات ودي في حد ذاتها كويس جدا وانا معاه في انه يمنع بقي الميه في الميه دي

تانيا التحويل وبصراحه من علمي لادبي انا كمان معاه فيها لان المفروض ان كل طالب عارف مستواه وهو يقدر يحقق ايه فالمفروض ان الطالب يبقي داخل علمي او ادبي وهو عارف هيعمل ايه بالظبط وزي ما احنا شايفين دلوقتي كم كبير جدا من الطلاب مع انهم عارفين انهم ميقدروش يعملوا حاجه في العلمي وداخلين وخلاص واهو يخلصوا من الجيولوجيا في الادبي وده بيبقي تفكيرهم فانه يمنع التحويل او يزود تكلفتها ده هيخلي بعد كده كل طالب يفكر ميت مره قبل ما ياخد قراره

تالتا انا شايفه ان التصحيح السنه دي كويس جدا مع العلم طبعا ان في اخطاء بس مش كتير
وكفايه انه اول حاجه عملها في المجال ده انه شال كل اللي كانوا في الكنترول علشان الامتحانات والحاجات اللي كانت بتحصل قبل كده من تسريب وخلافه فهو يعتبر عمل اللي عليه وهو ملوش ذنب متلا ان مصحح غلط في تجميع او حتي تصحيح يبقي الغلط من المصحح مش منه وانا شايفه كمان صراحه ان كل اللي بيقول ان في مهازل في التصحيح مش صحيح ابدا انا مش بنفي الغلط عنهم وانا عارفه ان في ناس اتظلمت لكن اللي انا شفته وطريقه التصحيح خلاني احس ان هما لما حتي بيغلطوا بيبقي من الظروف اللي حواليهم بس طبعا ده مش يديهم الحق في الغلط في التصحيح لان ده مستقبل

رابعا حكايه الكتب الخارجيه دي انا مش معاه فيها طبعا لان احنا مهما كان بنحتاج احتياج كبير جدا للمخلص كحل وافكار جديده وخلافه فحرام يحرم الطالب من كده علشان يستخدم كتاب الوزاره مينفعشي طبعا وانا طبعا كمان مش مع توزيع جدول الامتحانات لان في مواد مخدتشي حقها زي الانجليزي
بس المفروض من طالب التانويه العامه انه يكون ايام الامتحانات دي مجرد مراجعه ليه مش هيزاكر فيها من الاول لان اللي زاكر زاكر من الاول فالنقطه دي مش بلومه عليها اوي

وفي الاول والاخر كل القلق اللي بيحصل وخوف الطلاب وانا منهم طبعا بيبقي من التغيير
التغيير في حد ذاته بيجيب قلق وخوف وبيخلي الواحد يفكر كتير وتيجي في دماغه تساؤلات اكتر
وده كل رايي في الموضوع ومعلشي طولت عليكم واخنلاف الراي يا سلمي لا يفسد في الود قضيه

على فكرة يا يارا انتى بتقولى الكلام دا لنفسك مش لينا وانتى بتحولى تفكرى نفسك طول الوقت بكلامك اللى انتى نفسك من جواكى تصدقى وتعملى بية حتى لو فى المرحلة الجاية علشان تقدرى تحققى جزء من احلامك وتقدرى ترضى اللى حواليكى وانتى طبعا فهمانى وتقدرى توزنى الامور

بالعكس والله انا عرضت موضوع وقلت رايي فيه مش اكتر ولا بقول الكلام ليكوا ولا لنفسي انا بوضح وجهه نظري
ورايي في الموضوع وانا شايفه ان كلامي منطقي جدا وصحيح ومش شايفه اني غلط في اي نقطه وانتي عارفه والحمد لله اني راضيه بالي ربنا كتبهولي
ومصدقه جدا اللي بقوله وقلتلك كمان اني مش بقول رايي فرض ولا علشان كلكم تاخده بيه او تقتنعوا كل واحد وله شخصيته انا بس بقول رايي
ويمكن انا مش فاهماكي كويس يا سلمي يا ريت توضحي اكتر ولو فيه حاجه قلتها غلط قولي

يارا كتب:

بالعكس والله انا عرضت موضوع وقلت رايي فيه مش اكتر ولا بقول الكلام ليكوا ولا لنفسي انا بوضح وجهه نظري
ورايي في الموضوع وانا شايفه ان كلامي منطقي جدا وصحيح ومش شايفه اني غلط في اي نقطه وانتي عارفه والحمد لله اني راضيه بالي ربنا كتبهولي
ومصدقه جدا اللي بقوله وقلتلك كمان اني مش بقول رايي فرض ولا علشان كلكم تاخده بيه او تقتنعوا كل واحد وله شخصيته انا بس بقول رايي
ويمكن انا مش فاهماكي كويس يا سلمي يا ريت توضحي اكتر ولو فيه حاجه قلتها غلط قولي

لا انتى مقولتيش حاجة غلط بس يمكن يكون انا شايفة انة كلام مش ماشى مع ظروفك واللى انتى اتحطيتى فيها واتفرضت عليكى ويمكن انتى ما كونتى حبها ولا اتمنتيها وطبعا اللى حواليكى اخدوا موقف منك بس قدروا يفهموا حريتك وارادة ربنا فى كل حاجة وانتى عارفة ان انا فهماكى

منكرشي اني كنت زعلانه في الاول لدرجتي او اللي حصلي وكنت فاكره اني مظلومه لكن شفت ورقتي ولقيت اني مش مظلومه
وكمان كلامي عن لوزير الجديد ملوش دعوه بكده انا لت رايي مش علي اساس درجتي لو اللي حصل معايا لا انا بقول رايي في اللي انا شايفاه مش اكتر
والحمد لله ربنا كاتبلي كده وانا راضيه مهما كان زعلي كان ايه الاول ولسه ما زال برده بس الحمد لله لكل شئ واكيد هو ده اللي فيه الخير
وبشكرك يا سلمتي علي ابداء رايك ومناقشتك ليا في كده
ويلا يا سندريلا عايزين رايك
وشعراء المنتدي راحوا فين مستنين الراي وياريت تشوفوا الاراء في الاول وتقولوا رايكم فيها وفي الموضوع

اى خدمة ياستى اهن بس كنا عايزين نفتحك فى الكلام شوية ونجر رجليكى
فى الكلام

السلام عليكم
أنا دلوقتي يا جماعة هقول رأيي .. وبجد أنا آسف ع التأخير
شوفوا بقى
أنا رأيي متوافق مع العصفورة ويارا
بس فيه حاجه
حكاية التحويل من علمي لأدبي .. أنا مش معاه في إنه يلغيها
عشان فيه ناس بتتظلم .. مش شرط في التصحيح .. بس ممكن يكون حصل ظرف طارئ ولا حاجه
يعني مثلا أنا سمعت إن فيه واحد شاطر جدااااااااا وكان داخل علمي
حظه إن جاله دور عيا جامد أوي يفقده التركيز
وفعلا راح الإمتحان معرفش يحل وجاب درجة مش أد كده
فالواد ده لما هيكمل أكيد هيحول أدبي
طب لما يتلغى التحويل ... الواد يعمل ايه ؟؟؟؟؟
دي حاجه كنت معترض عليها مش أكتر
غير كده
اللي عاوز يشوف رأيي ... يشوف رأي يارا والعصفورة
الوزير ده عاجبني جدااااااا
يكفي إن السنة اللي مسك فيها الوزاره
مصر تقدمت تعليميا مركزين للأمام
والراجل ده يا جماعة قال
إن المنهج فيه حاجات متكرره كتير
وقال أنا لو طالب والكتاب كبييير أووووي كده .. أنا عمري ما هفتحه واذاكر منه
عشان كده هو قرر يشيل المعلومات اللي متكرره وبالتالي عدد صفح الكتاب هتقل
وهو اللي قال أهلا بالتظلمات ( لما الناس اتظلمت من الدرجات )
كان همه إن كل واحد ياخد حقه
ورغم إن ده محصلش
هو فاكر إن ده حصل ... هو فاكر دلوقتي إن كل واحد واخد حقه وزي الفل
( يعني بمعنى أصح .. عامل زي فيلم طباخ الريس كده )
بصراحة الراجل ده عاجبني جدا جدا جدا
وبس كده

بصراحه راى (يارا_العصفوره_تريكه) واقعى وخالى من اى احداث شخصيه انما سلمى بحس ان هى بتدخل برده احداث شخصيه على العموم ده مش موضوعنا
_________________________رايى___________________________
الراجل ده مش كويس بس الراجل ده عبقرى كمان واسلوبه صح
واحد زى ده عايز يرجع للمدرس حقه الطبيعى وهيبته بين الطلاب واظن الكل عارف الهيبه بقت فى الجزمه دلوقتى الا من رحم ربى
وبرده رفع اجور المدرسين علشان يمنع الدروس الخصوصيه واحنا بنعانده وبناخد دروس انا مش بقول احنا غلط بس برده هو صح
واحد زى ده التعليم فى مصر اتقدم مركزين عالميا زى ما قلتلك يا تريكه قبل كده فى الاحصائيه الاخيره
واحد زى ده رجع الشغل على حق فى المدارس وانا والدتى شغاله فى مدرسه وانا اعرف ايه اللى عملوا معاهم ورغم ان والدتى بتتعب بس انا سعيد وعاجبنى لانه مش عايزهم يروحوا يقعدوا ويحكوا مع بعض ودى عملت ايه ودى سوت ايه لا شغلهم زى الساعه
وبرده حاسس بالطالب فى برنامج انا شفته بيقول انا لو طالب وده منظر كتاب انا لا هذاكر ولا هفتحه
وبرده لقى معلومات قديمه فى المناهج ومعلومات متكرره اقر ان المناهج محتاجه تطوير ولو حد فيكوا بيشوف الدكتور طارق السويدان هيعرف ان تطوير وتعديل المناهج من اهم نقط تطوير التعليم
وبرده عمل امتحانات تجريبيه للثانويه يا اخى على الاقل بيعودك على الامتحان حتى لو ضحك عليك وجاب امتحان سهل فهو حسسك برهبة الامتحان علشان تاخد بالك بعد كده انك هتبقى قدام امتحان بقى بجد والكل اكيد حس بالفرق فى امتحان اخر السنه كانت الرهبه مش اوى
وبرده امر بتصعيب الامتحانات بعض الشىء لانه على رايه انا عايز المهندس مهندس والطبيب طبيب والمدرس مدرس مش ناس جايبين درجات عاليه وخلاص

وبرده هو رافض حكاية ميه فى الميه وميه وتلاته واربعه فى الميه وده صح الكمال لله وحده
واحد زى ده هيطبق الاساليب العلميه من التليفون لحد الانترنت فى التعليم دلوقتى اى مدرس لازم يكون عارف فى الكومبيوتر
واما بقى بالنسبه لامتحاناتنا هو امر بتصعيبها انما مقلش هات معلومات قديمه مع ان ده برده حقه وصح كمان
وبرده بالنسبه للنتيجه هو مقلش للمصحح اتخانق مع مراتك وتعالى صحح ولا قاله اظلملى فلان ولا علان ولا قال للمصحح اسهر وتعالى صاحى غصب عنك ومتعفرت واظلم برده
واحد زى ده برده نظف المدارس شويه من اللى فيها واللى ناقصه بجد ان حد يساعده بس المشكله ان الكل ضده لان الصح دايما فى بلدنا مكروه زى كمال الجنزورى ولا نسيتوا؟
وانا كنت معارض فكرة تاخير الكتب الخارجيه بس دلوقتى انا معاه لما عرفت وجهة نظره هو عايز يرفع التراخيص وبالتالى يترفع اجر الكتاب الخارجى فهيبقى فيه نسبه من الطلاب تتجه للكتاب المدرسى وبكده يحل عقدة الكتاب المدرسى وفى نفس الوقت هو ظبط الكتب المدرسيه
واخيرا احب اقول ان ده رايى فيه من زمان مش بعد ما جبت مجموع ولا حاجه علشان محدش يفهمنى غلط

لا ما تخاف يافارس ما احد هيفهمك غلط
والمجموع مش القضية دلوقتى وانتوا شايفين الوزير
رجل محترم وزكى وهيطور التعليم من كل النواحى وانا بقول ربنا
يوافقة ياسيدى وانا رائى زى ما هو ومش هيتغير ويمكن مع الوقت هيتغير
واحتمال ابقى اقول زيكم واكتب كلام حلو عنة

يا بت انتي افهمي احنا مش بنقول كلام حلو عنه ولا بنزين فيه
احنا بنقول الراي اللي احنا شايفينه بعيدا عن الاحاسييس الداخليه والظروف اللي حصلتلك لان هو ملهوش دعوه بمجموع اي حد
احنا بنتكلم عن نظام تعليمه واظن انتي شفتي كلامنا ومتاخديش رايك فيه علي اساس اللي بيحصلك بصي للموضوع بنطره تانيه للي عمله هل هو صح ولا غلط وفي الاول والاخر كل واحد وله رايه واحنا اكيد مش بنجبرك علي حاجه واختلاف الراي لا يفسد في الود قضيه
وانا مستنيه راي سندريلا علشان نقفل الموضوع ونبدا في نقاش موضوع اخر

ماشى يا ستى يارا شكرا