الأيام الحلوة
بتعدي في ثواني
الأيام الحلوة
ما بترجعش تاني
طعم الحب اتغير
وقت الفرح صغير
أكبر لحظة ود وحب وصدق زمانها قصير
الحلو بيتمرر
والجرح بيتكرر
نجرح نإلم نقسى ونظلم وغلطنا بيتبرر
اللي نحبه بنودعه
واللي في إيدنا بنضيعه
واللي ناسينا ... عايش فينا
واللي شارينا بنخدعه
ولا في الشدة حبايب
ولا في الدمعة قرايب
كله في جرحك مرحك مرك نارك ألمك غايب
حبل الود اتسيب
طعم الظلم يشيب
زمن الصدق وزمن الطيبة بقت حاجة بتتعيب
معنى الحب بنزيفه
صوت الحق بنكتفه
واللي دابحنا ... ساكن روحنا
واللي جارحنا بننصفه
ماشية الدنيا ودايره
فيها مراكب سايره
ناس في مراكب ضايعه وناس في مراكب تايهه وحايره
ناس أحزانها شديده
وناس سكتها بعيده
ناس كل ما دمعتها بتدبل تطرح دمعه جديده
في عز ألمنا وفي جرحنا
بنتخلى عن بعضنا
وادي قصتنا ... وادي حكايتنا
وادي دنيتنا
إنت وانا
انت وانا
موضوع: الأيام الحلوة ( إيهاب توفيق ) 
الثلاثاء نوفمبر 16, 2010 9:35 pm
