موضوع يراودنى

موضوعى بسيط اوى انا شايفة ان حاجة بتهمنى اوى ان اعرف ارائكم فية
ياترى ياجماعة

(((((((الام هى اللى ولدت ولا الام هى اللى ربت )))))


هو دا موضوعى ويهمنى اعرف رائيكم فية



شكرا اليكم كلكم

بصى يا سلمى الموضوع جميل جدا ويستحق المناقشه
بس انا عندى رد يخلص الموضوع ده فى كلمتين بس هسيب الناس تتكلم علشان كل واحد يعبر عن وجهة نظره ويا ريت حد يقول اللى انا هقوله بسرعه
وثانيا الموضوع اسمه (موضوع يراودنى)
اسف انا بحب الدقه فى الالفاظ

اوك يا سيدى ولا يهمك مقبول الملاحظة بتاعتك
وعايزين نعرف رايئك

موضوع جميل فعلا
انا رأيى ان فيه امهات هى اللى بتولد وبترمى اولادها فى الشارع على الملاجئ او تبيعهم او تعمل اى طريقه تتخلص منهم وخلاص
وعالجانب الاخر فى امهات لم تلد ولكن بتربى احسن من الام اللى ولدت يعنى مثلا لو فيه ام ولدت طفل مثلا بس اتربى على ايد واحده تانيه وبيقضى معاها وقت اكبر من اللى بيقضيه مع امه بالتالى هيتعلق بيها اكتر ما يتعلق بالام اللى ولدت واحتمال كمان تبقى معاملته مع امه اللى ولدته معامله قاسيه

وانا اعرف واحده معرفه شخصية سابت اولادها صغيرين وسافرت مده كبيرة ولما رجعت اولادها بقى مش مشتاقين ليها بالعكس كانت النتيجة ان اكبر اولادها بيعاملها معامله قاسية جدا جدا يعنى كانها مرات اب مش ام لانهم طبعا مالقيوش حضن ولا حنان الام اللى بيشوفوه حواليهم عند غيرهم من الاولاد

وكمان اعرف واحده معرفه شخصية برده متجوزة واحد عنده 3 اولاد ومطلق مراته ومراته دى مرضيتش تاخد اولادها تربيهم وسابتهم لأبوهم آل يعنى بتعاقبه
والست دى اللى اتجوزها ابوهم هى اللى ربت ال3 اولاد والنتيجه لما كبرم الاولاد بدات امهم تعمل مقالب فى مرات ابوهم عشان تخلق مشاكل بينها وبين الزوج وتكره فيها الاولاد لكن ده كله جه على دماغها هى والاولاد وقفوا فى صف مرات ابوهم وبيدافعو عنها وبيحبوها اكتر من امهم اللى اتخلت عنهم فى اكتر وقت هم محتاجينلها فيه لأنهم طبعا لقيوا الحنان عند مرات ابوهم ودلوقتى بعد ما اولادها بقوا رجاله عماله تحوم حواليهم وعاوزه تبينلهم انها بتحبهم وبتخاف عليهم وتكرهم فى مرات ابوهم لكن برده هم مش سامعين لها

وبس دى كانت وجهة نظرى

انا برضوا مش فاهمة انتى عملتى امثلة وفرقتى بين دى وبين دى
انا عايزة اعرف جوابك انا متفقة معاكى فى كل حاجة
بس براضوا عايزة اعرف

جوابى ان الام هى اللى بتولد وبتربى

لكن عشان اجاوب على سؤالك من الخيارين اقول الام هى اللى بتربى طبعا

كدا صح وانا كمان متفقة معاكى فى كدا

لا يا حبى لا ارار ولا حاجه
بس انت قلت ان النبى اقر بفضلها ولكنه صلى الله عليه وسلم لم يقل عنها ام
والحديث اصله(ولا طلقه من طلقات الولاده) مش رفسه
بقى النبى هيقول رفسه؟
انا رايى يا جماعه هيبقى اخر راى
اسف

بشوف يا فارس
وعموما يا تريكة دى وجهة نظرك وفى الصح وفيها الغلط وفى
كلتا الحالتين هنحترم رائيك

بالراحه يا عم تريكه ايه؟
دى اراء اراء

الاول شكرا ليكي يا سلمتي علي الموضوع اللي بيحير ده بجد عمره ما جه في بالي اني افكر فيه
المهم انا رايي ان الام لفظ فوق التربيه والولاده اصلا ده لفظ بيشمل حاجات كتير اوي بس بما انك يعني عايزه تعرفي الام اطلقها علي اللي بتولد ولا اللي بتربي
انا شايفه ان الاتنين واحد ومفيش اولويه فيهم عن التاني لان لو فرضنا مثلا ان المراه ولدت ولقدر الله توفت يبقي كده مكملتشي واجبها كام وهي التربيه ومع ذلك احنا لما بنتكلم بنطلق عليها لفظ الام لانها شالته في بطنها تسعه اشهر واكيد في الفتره دي كانت بتحاول تحميه وتحرصه وبتعاني كتير جدا في الفتره دي زي مثلا انها متنمشي بليل خوفا من انها تتحرك كده ولا كده وتاذي ابنها اما المراه مثلا اللي ربنا منعها من الخلفه علي سبيل المثال وتكفل طفل يتيم وقامت بتربيته مع العلم ان التربيه دي التربيه سليمه انا هسميها ام لانها تعبت وربت وطلعت ذريه صالحه
اما بقي بالنسبه للمراه اللي مش ممكن ابدا انسب اليها لفظ الام اهيشمل برده الحاجتين المراه اللي تفرط في ابنها وهو في بطنها اجهاض يعني دي مش ام
مراه تانيه ولدت ومربتش هل دي ام لا برده فاانا شايفه انه لا يمكن ان يكوت هناك اولويه لاحدهم علي الاخر
ومستنينك تفييدنا يا فارس

كده باقى بندقه

وجهة نظر مقبولة منك ياتريكة
بس انا احب اضيف اضافة على رأيى اللى ذكرته قبل كده وطبعا انا رأيي ان الام اللى ربت وربنا سبحانه وتعالى بيقول فى كتابه الكريم (وقل رب ارحمهما كما ربيانى صغيرا ) ولم يقل كما خلفانى صغيرا
وده كان رايي من الاول لحد لما سمعت الشيخ خالد الجندى على قتاة ازهرى بيؤيد نفس رأيى ولما سمعته بصراحه حبيت اجيبلكم رأيه هو كمان يعنى من باب تأكيد المعلومه وبرده انا مؤيده لرأى ان الام هى اللى ربت
وشكراااااااااااااااااااااااااااااا

كده مش هقدر استنى بندقه
قال الله تعالى(وقل ربى ارحمهما كما ربيانى صغيرا)
وقال ترجمان القرءان عبدالله بن مسعود فى التفسير ان الله قال ربيانى ولميقل خلفانى اى ان الام هى التى تربى
واقر بذلك الحافظ بن حجر واتى ذلك فى تفسير ابن كثير

سوري يا فارس
علي التأخير أنا كنت عارفة إنك عاوز تقول رأيك الأخر

علي العموم
أنا رأيي عمر ما الأم هتبقي هي اللي ربت بس أو اللي ولدت بس
علشان اللي ربت لو ماكنش في طفل ماكنتش هي هاتربي
علشان كده مانقدرش ننكر حق اللي ولدت علشان من غيرها
ماكنش الطفل ده جه الدنيا
بس هي تتلام لو هي اللي رمت إبنها وما إهتمتش بيه
وكل واحدة علي حسب ظروفها
أما اللي ربت أيوة لها الحق الاكبر في الطفل
بس علي حسب تربيتها له
إذا كانت ربت تربية صالحة علشان يبقي شخص محترم
يبقي لها حق التقديروالإحترام
أما إذا ربته حرامي سفاح مبرشم إلـــــــــــــــخ
يبقي كده ملهاش حق في أي حاجة
وبرضو مانقدرش نوصف كل الحالات
كل حالة ولها ظروفها
وسوري علي الإطالة

يا جماعه انا بقول راى ربنا والرسول مش رايى يعنى الدنيا كلها رايها فى الزباله بالنسبه للنبى والرسول
اسف بس دى الحقيقه

ايوه يا عم تريكه الام هي اللي ربت ما دام كلام ربنا والرسول وزي ما فارس قال خلاص مفيش جدال بعد كلامهم ولا ايه
وبجد شكرا للعصفوره وفارس علي الراي الصواب وبراحه يا عم فارس شويه البنت لسه صغيره

قوليله والنبي
دا أنا غلبــــــــــــــــــــــــــانة
وبعدين إختلاف الرأي لا يفسد للودن سوري الود قضية
ههههههههههههههههههههههههه
وبعدين يا عم أن قولت رأيي
وإنت قولت رأيك
ومش علشلن ربنا قال "كما ربياني"يبقي نكر حق اللي ولدت
مهما كان إسمها أمه
ربنا ما يرضاش بالظلم

هو انا قلت رايى ده راى ربنا والرسول
والتفسير قال كده ومش تفسيرى برده ده تفسير ترجمان القرءان وغيره من كبار المفسرين ومحدش فيهم ذكر اللى ولدت
انا مالى؟
قوليلى كده انا مالى؟
ماتقولو حاجه يا جماعه والا شوفوا يعنى بصوا كده والله العظيم هه والا .....بس

فارس فارس إنت إتخرست ولا إية
رد عليا يا بني
هههههههههههههههههههههههههههه
أنا برضو ما قصديش حاجة
خلاص يا عم الأم هي اللي ربت