احساس صعب اوووووووووووى

يا جماعه انا عايزه رأيكو فى حاجه
هو لما تكون نفسك تشوف حد اوى
او تسمع عنه اى اخبار
او حتى تسمع صوته
وتدفع نص عمرك وتشوفه لو حتى من بعيد لبعيد
بس للاسف مينفعش لانه اصلا بعيييييييد
ولو حاولت تكلمه هتحس انك ظلمته
هتعمل ايه ؟

انا شايف ان فحالتك دي انتي بتقنعي عقلك الباطن ان حياتك مرتبطة بوجود الشخص ده و بدونه مش هتعيشي
.........
الايام كفيله تنسي
....
بمساعدة حديثين
الاول .
من ترك شيئا لله عوض الله بشيء افضل منه
ف لما تقولي الحمد لله على كل شيء هترتاحي و ربك هيساعدك
ودا هيكون اسهل لو الحديث التاني ف دماغك
...
لو اضطلعتم على الغيب لاخترتم الواقع
ودا التاني
......

بس انا والله حاولت كتير انى انسى
انا فعلا عشت حياتى بقالى سنه دلوقتى بعيده
بس لما بقعد لوحدى وافتكر حاجات كتير اوى
بحس انى عايزه اروحله فى اى مكان
اشوفه بس اسمع صوته بس
وانا والله دايما بقول الحمد لله
بس والله تعبانه اوى الذكريات كتير اوووووووووووووووى
مش عارفه انساها

من ترك شيئا لله عوضه الله بشيء افضل منه
...........
لو اضطلعتم على الغيب لاخترتم الواقع

ماشى ان شاء الله ربنا هيعوضنى احسن منه
بس اللى فات ده انساه ازاى
اشيلو من دماغى ازاى
ارتاح من التفكير ازاى

اللي ربنا هيعوضك بيه هو اللي هينسيهولك

اه يديك ويدينا طوله العمر
دا اذا لقيت اصلا
خلاص يا احمد معدش فى
بقت عمله نادره

سيظل الخير في امتي الى يوم القيامه
..........
سيدنا محمد اللي قال كده
.........
اما بالنسبة لانه عمله نادرة او مش هتلاقيه
......
لا ييأس من روح الله الا القوم الكافرون

صدق الله العظيم

صدق الله العظيم
شكرا يا احمد على ردك

اي خدمة
.....
المهم أكون أفدت ف حاجه ف حل المشكله

الحكايه بسيطه جدا
كلمي واحده صاحبتك .. تعرف واحد صاحبه
وتجيبلك منه أخبار اللي انتي مشتاقه ليه ده
وعلى حسب الأخبار .. تبدأي توجهي أفكارك
واذا ما كانش ينفع .. يبقى اسمعي بقى

دايما حالات الفراق والوداع والاشتياق والحاجات دي
ملهاش غير حلين اتنين
الاول .. انك تروحيله وتقوليله كل اللي في قلبك .. واللي يحصل يحصل
ولو ماكانش ينفع يبقى ماترحيش
الثاني .. هو انك تنسي .. او بمعنى اصح تتناسي .. وانتي بمرور الوقت واحده بواحده هتنسي
النسيان في الحلات دي صعب .. بس مش مستحيل

حاولي تنسي الشخص ده بشخص تاني
مش شرط ان عشان الشخص الأول كان حبيبك .. يبقى الشخص التاني يكون حبيبك برده
أي حد بتحبيه و تحترميه وتحبي تسمعي كلامه .. وتحبي تتكلمي معاه كتير ( هو ده اللي هينسيكي )
مش شرط يكون حبيب
ممكن يكون حبيب
وممكن يكون صديق
وممكن يكون أخوكي نفسه
أو اختك أو صاحبتك
وابدإي عيشي مع غيره لحظات جميله
وساعتها هتنسيه

هاتقوليلي أنا حاولت أنسى ومعرفتش
أكيد ده عشان كنتي عايشه معاه أيام جميله
ماعيشتيهاش في حياتك .. عشان كده دايما فاكره
فعشان تنسيه .. لازم تعيشي أيام أجمل منها

لأن الانسان مش دايما بيفتكر الحلو .. لكنه دايما دايما بيفتكر الأحلى
فمفيش حاجه هتنسيكي الجميل غير الأجمل

بصي حواليكي كده
( مش الأوضه .. أقصد في الدنيا يعني ههههههه )
أكيد هتلاقي حقيقه انتي مش شايفاها
لو شوفتيها
مشكلتك دي هتتحل
و ف ثانيه

بصيت انا وبعدين
ملقتش حاجه يا عم الفلحوس
بس بصراحه ردك جامد يا تريكه
تسلمولى يا اخواتى

» اصعب احساس